„Денес имам добри вести за нашите европски граѓани. ЕУ го одржа својот збор“, изјави фон дер Лајен, откривајќи дека ЕУ сега „им достави доволно вакцини на земјите-членки за да можат целосно да вакцинираат најмалку 70% од возрасните во ЕУ уште овој месец“.
„До утре околу 500 милиони дози вакцини ќе бидат распределени низ регионите на Европската Унија“, рече таа и додаде дека „ЕУ остварува“ и дека нејзината „кампања за вакцинација е забрзана од почетокот на годинава“.
Вон дер Лајен рече и дека нивниот „заеднички пристап е успешен“, „само заедно ќе излеземе од оваа криза“ и „ковид-19 сè уште не е поразен“, па вети дека ќе достават уште повеќе вакцини, „вклучително и против новите соеви“ доколку е потребно.
„Сега земјите-членки мора да сторат сè за да ги зголемат вакцинациите. Дури тогаш ќе бидеме безбедни“, заклучи таа.
