„Каталонците“ мака мачат со повредите од стартот на сезоната, а квалификациите за мундијалот овој месец донесоа нови главоболки за Ханси Флик.
На настап со репрезентациите се повредија Дани Олмо, Феран Торес и Роберт Левандовски.
Најсериозна е повредата на Полјакот, кој ќе паузира помеѓу четири и шест недели, а како што пренесуваат медиумите, токму оваа повреда донела и најмногу тензија.
Во Барселона се бесни на Роберт Левандовски и се чудат како можел тоа да го направи.
Имено, напаѓачот почувствувал болка уште рано во натпреварот, но наместо да го напушти теренот, тој ги одигра сите 90 минути и го постигна голот со кој беше потврдена победата над Литванија.
На „каталонците“ не им е јасно како 37 годишниот Роберт Левандовски, со толку големо искуство, и слична повреда во август месец, наместо да застане, решил да го бандажира проблематичниот мускул на полувремето и да продолжи да игра наместо да побара замена.
И сето тоа кога следуваат серија важни натпревари на Барселона, како „Ел Класико“ против Реал Мадрид.
