Како што е најавено од организаторите, на почетокот на конференцијата обраќање ќе имаат претседателот на Република Македонија, Стево Пендаровски и поранешниот претседател на државата, Бранко Црвенковски.
Во текот на конференцијата, најавено е и обраќање од претседателот на Собранието, Талат Џафери, како и на министерката за одбрана Славјанка Петровска.
На конференцијата ќе се обратат и поранешни претседатели и премиери на земјите од регионот, како и претставници на организации кои ги претставуваат младите во процесот на евроинтеграциите.
Конференцијата во Скопје е дел од циклусот настани поврзани со мирот и безбедноста во Западен Балкан одржани во последните две години во соработка на Подгоричкиот клуб и Универзалната мировна федерација.
