Состојки:
250 г несолен путер, на собна температура
1 и пол чаша бел шеќер
1/4 чаша кафеав шеќер
1 лажица кора од лимон
1 лажичка екстракт од ванила
4 големи јајца, на собна температура
2 и пол чаши брашно за колачи *
1 и пол лажичка прашок за печиво
1/2 лажичка сода бикарбона
1/2 лажичка сол
1/2 чаша полномасно млеко
1/2 чаша полномасна павлака
1/2 чаша свежо исцеден сок од лимон
300 г свежи или замрзнати малини (ако користите замрзнати, не ги одмрзнувајте)
2 лажици универзално брашно
За глазурата со крем сирење и лимон:
500 г полномасно крем сирење (маскарпоне), на собна температура
300 г несолен путер, на собна температура
300 г шеќер во прав, повеќе по желба
4 лажички свежа кора од лимон
2 лажици свеж сок од лимон
1/2 лажичка сол
4 лажици кисела павлака
За декорирање:
тегличка џем од малини
1 лимон, тенко исечен
1 чаша свежи малини
Приготвување:
Загрејте ја рерната на 180 степени. Премачкајте со путер два тркалезни калапи за торта.
Матете ги со средна брзина путерот, двата вида шеќер, кората од лимон и екстрактот од ванила, додека смесата да стане светла и мека, околу 5 минути. Додајте ги јајцата, едно по едно, добро матејќи по секое додавање.
Во друг сад добро измешајте ги брашното за колачи, прашокот за печиво, сода бикарбоната и солта. Додајте ја сувата смеса кај влажните состојки и промешајте со мала брзина (сè уште нека има грутки). Исклучете го миксерот. Додајте ги млекото, павлаката и сокот од лимон и малку промешајте со гумена шпатула.
Во друг сад, попрскајте ги малините со 2 лажици универзално брашно. Додајте ги малините во тестото и промешајте со шпатулата. (Внимавајте да не претерате со мешање. Прекумерното мешање ќе резултира со сув, збиен колач).
Поделете го тестото рамномерно во подготвените калапи и печете 35 до 40 минути или додека горните страни не се зацврстат и позлатат, а чепкалката вметната во центарот не излезе чиста.
Оставете ги колачите целосно да се оладат.
Во меѓувреме направете ја глазурата.
За глазурата со крем-сирење и лимон:
Изматете ги крем сирењето и путерот со средна брзина додека не осветлат, околу 3 минути. Намалете ја брзината на минимум и постепено додавајте го шеќерот во прав. Додајте ги кората од лимон, сокот од лимон и солта и матете додека не се соединат. Зголемете ја брзината на средна и мешајте додека смесата не стане кремаста, околу 2 минути. Додајте ја киселата павлака и продолжете со матење на глазурата околу 2-3 минути. Ако ви се чини премногу ретка, додајте уште малку шеќер во прав, лажица по лажица; ако ви се чини дека е густа, додајте уште малку кисела павлака, лажица по лажица.
Кога колачите целосно ќе се изладат, долниот премачкајте го со глазурата, а врз неа со џемот од малини. Не е проблем ако малку се измешаат. Одозгора ставете го вториот колач и многу лесно притиснете го за да се спојат. Ставете ја полупремачканата торта во фрижидер 20 минути, а потоа продолжете со мачкање, додека горниот дел и страните на тортата не се рамномерно премачкани со глазурата. Ставете ја тортата во фрижидер уште 20 минути пред да ја декорирате. Украсете ја со свежи малини и тенки парчиња лимон.
* Ако немате брашно за колачи, од секоја 1 чаша брашно што се бара во рецептот отстранете 2 лажици брашно. Потоа на нивно место додајте 2 лажици пченкарно брашно. Просејте ја смесата неколку пати (за добро да се соедини) и ќе добиете брашно за колачи.
