Во официјалното соопштение се вели луѓето да ја избегнуваат областа, велејќи дека е во тек „интервенција“ и безбедносните сили се на местото на настанот.
🔴Une intervention est en cours au Château de Versailles. Les forces de sécurité sont sur place. Évitez le secteur et suivez les consignes des autorités.
Ne relayez pas de fausses informations. pic.twitter.com/M06T36oIQr— Préfet des Yvelines 🇫🇷 (@Prefet78) July 4, 2024
„Во тек е интервенција во Версајската палата. Безбедносните сили се на терен. Избегнувајте ја областа и следете ги упатствата на властите. Не пренесувајте лажни информации“, се вели во официјалното известување на француските власти.
What’s happening here? We were waiting to be allowed inside the chateau Versailles and now it’s being evacuated…and the military just went in pic.twitter.com/QfgKmTaktm
— Fedde Benedictus (@FBenedictus) July 4, 2024
Како што потврди полициски извор за францускиот весник Фигаро, полициската акција не е поврзана со тероризам.
Истиот весник пренесува неофицијални информации дека дошло до физичка пресметка меѓу двајца улични продавачи, едниот од нив е забележан како бега со нож во рака по пресметката.
Сведоците на социјалните мрежи јавуваат дека чекале во ред за да влезат, зградата потоа била евакуирана, набрзо пристигнале и специјални полициски единици.
Версај е една од главните туристички атракции во Франција. Се наоѓа на околу 20 километри западно од центарот на Париз и годишно го посетуваат околу 15 милиони туристи. Летово во Париз се одржуваат Олимписките игри, а безбедносните мерки се на исклучително високо ниво.
