вторник, 16 јули 2024

Лепен најави силен удар за Украина ако дојде на власт во Франција

Марин Лепен од екстремно десничарската партија Национален собир, вети дека премиерот од нејзината партија, доколку екстремната десница победи на утрешните избори во Франција, ќе го спречи Киев да користи оружје со долг дострел доставено од Франција за напад во Русија и ќе го спречи предлогот на францускиот претседател Емануел Макрон да испрати француски војници на украинска територија.

Објавено на

часот

Сподели

„Ако Емануел Макрон сака да испрати војници во Украина, а премиерот е против тоа, тогаш нема испраќање војници во Украина“, изјави Лепен за Си-ен-ен, зборувајќи за ситуација во која премиерот би бил од нејзината партија Национален собир.

Лепен истакна дека последниот збор го има премиерот. Покрај блокирањето на потенцијалното распоредување на војници во Украина, што Макрон го наведе како начин за зголемување на ефикасноста на воените инструктори, Лепен рече дека дозволата на Киев за употреба на ракети со долг дострел испорачани од Франција во Русија, исто така, ќе биде укината.

Макрон беше еден од првите лидери кои јавно и дозволија на Украина да напаѓа цели во Русија со западно оружје, поставувајќи го теренот за Вашингтон да го стори истото. Тоа му овозможи на Киев да ги гаѓа руските воени бази, формации и артилерија што се користат за напади врз Украина.

Покрај испраќањето војници, Лепен рече дека нејзината единствена „црвена линија“ околу Украина е да ја спречи Франција да стане страна во конфликтот со употреба на француски ракети со долг дострел против цели на руска територија.

Повеќето западни лидери во моментов не сметаат дека таквите испораки претставуваат учество во украинската војна.

ТОП ВЕСТИ

ПОСЛЕДНИ ВЕСТИ