Апелацискиот суд оцени дека во решенијата не се приложени докази ниту се истакнати факти и околности кои укажуваат на реална опасност од бегство на осомничените, страв од попречување на кривичната постапка со влијание врз сведоците и соучесниците, ниту се наведени околности кои го оправдуваат стравот дека ќе го повторат кривичното дело, а имајќи ги предвид личните прилики на осомничените и нивното однесување по сторување на кривичното дело за кое се сомничат, се вели во соопштението на Апелација.
При одлучувањето овој суд ги имаше предвид и дадените предлози на Вишото јавно обвинителство Скопје со кои се предлага да се уважат жалбите на осомничените, стои во соопштението на Апелација.
И Алмир Рамдедовиќ ќе се брани од дома. Тој е осомничен дека ја крена рампата, како дел од обезбедувањето на компанијата „2СС“, а Апелацискиот суд му ја враќа слободата и му го задржува пасошот.
За пропустите во работата на „2СС“ пишува и во извештајот на Агенцијата за цивилно воздухопловство во кој се бара кривична одговорност.
За останатите осомничени, иако судот првично одреди притвор, потоа кривичниот совет одлучи за домашен притвор.
