„Верувам дека ВМРО-ДПМНЕ е сила која направи многу за развојот на Северна Македонија. Ја ценам и јасната визија во регионот, особено во однос на противењето на идеите од типот на Отворен Балкан кои имаа за цел да ги пренасочат процесите на интеграција во ЕУ во регионот“, вели Мета во интервјуто за Аргументум.ал и оценува дека резултатот на таа партија на изборите е и одраз на противењето на идеологиите кои се насочени кон семејството како јадро на општеството.
На новинарското прашање дали смета дека победата на ВМРО-ДПМНЕ во Македонија е зелено светло за победа и на албанската опозиција, Meта вели:
„Едно нешто што научивме од најважниот сојузник на нашите земји, од САД, е дека изборите ги одразуваат волјата и очекувањата на луѓето. Политичкиот систем треба да да се погрижи нивната волја да биде праведно и правично претставена според изборот на народот.
Народот во Албанија е целосно свесен дека политиките на актуелната влада се штетни за земјата, за нејзината демократија и економија, за семејството и за општеството во целина. Затоа илјадници се определија да ја напуштат земјата. Сигурен сум дека албанските гласачи ќе направат зрел избор за да се случат промени, како што тоа го направија во Северна Македонија.
Инаку, Илир Мета е поранеше претседател на Албанија, беше и премиер и претседател на парламентот.
