„Нашиот сојуз, Европски фронт, не е создаден само за изборите, туку ќе биде тоа долгорочно заедништво. Со нашите партнери во Европскиот сојуз, јас и ДУИ напорно ќе работиме за реализација на досега неостварените цели на ДУИ за вистинска демократија во државата, за вистинска рамноправност на сите етнички заедници, не само на Албанците. Предвид ги имаме не само Турците и Ромите, туку и Власите, Србите и сите други етнички заедници. Главната цел е Македонија да ја интергрираме во ЕУ, кога и уште повеќе ќе ја зајакнеме државата која уште од сега ќе работиме на тоа да биде мајка за сите. Така се гради иднината и вистинска демократска држава“, изјави Ахмети по потпишувањето на договорот со партијата на Турците.
Салих Мурат во својот говор рече дека се приклучуваат на Фронтот со цел да се сменат состојбите во секоја сфера на општеството, тој посочи дека тоа особено им е потребно на Турците во Македонија.
„Очекуваме да се исполнат нормите за човекови права предвидени во Уставот“, рече Мурат.
Освен што денеска беше официјализиран договорот на ДУИ со Движењето на Турците во Македонија за правда и демократија, претходно лидерот на интегративците потпиша коалициски договор и со претседателот на Демократската партија на Турците, Бејџан Иљаз. Ахмети најави дека утре во Гостивар ќе биде потпишан и договор со Зијадин Села, лидер на Алијанса за Албанците (крилото на Села, н.з.).
Али Ахмети обелодени дека Зијадин Села ќе биде носител на изборната листа на Европскиот сојуз во Избоната единица број 5.
Тоа што ќе биде новина на овие избори е што ДУИ, односно Европскиот фронт ќе учествува и во Изборната единица број 3 каде очекува да се добие уште еден пратеник. Таму носител на изборната листа ќе биде лидерот на Движњето на Турците.
Официјален носител на листите на Еропскиот фронт ќе биде ДУИ, а во продолжение ќе бидат наведени и другите партии од овој фронт, рече Ахмети.
Вчера ДУИ потпиша договор и со Унијата за Ромите на градоначалникот на Шуто Оризари Курто Дудуш, а веќе и официјално во Европски сојуз членуваат и партиите на Арјанит Хоџа, на Мендух Тачи и на Скендер Реџепи Зејд.
Инаку, целата церемонија се одвиваше на албански и турски јазик, а настанот и овојпат започна со интонирање на Одата на радоста.
