Денвер лесно дојде до триумф во првиот меч од плејофот против Минесота. Главната предност ја создадоа во третата четвртина која ја добија со 32-14. На крајот славеа со 29 поени разлика, 109-80.
Никола Јокиќ постигна 13 поени, имаше и 14 скокови, најефикасен во составот на Денвер беше Мареј со 24 поени, кај Минесота Едвардс постигна 18.
Мајами со 130-117 го победи Милвоки на негов терен и направи брејк против фаворитот. Батлер со 35 поени беше фантастичен, одличен беше и Адебајо кој реализираше 22 поени со девет скокови. Во домашниот тим Мидлтон постина 33 поени.
Со гостинска победа тргна и Лејкерс кој со 128-112 триумфираше кај Мемфис. Изненадувачки одлична партија имаше Јапонецот, Хачимура кој реализираше 29 поени, тој беше најдобриот во составот на Лејкерс, кај Мемфис Џексон постигна 31 поен.
И вториот тим од Лос Анџелес, Клиперс дојде до гостинска победа. Тие славеа кај Феникс со 115-110. Ленард беше предводникот до триумдот со 38 поени, кај Феникс Дурент постигна 27 поени, имаше и 11 асистенции и девет скокови, Букер даде 26 поени.
Резултати: Мемфис – ЛА Лејкерс 112-128, Милвоки – Мајами 117-130, Феникс – ЛА Клиперс 110-115, Денвер – Минесота 109-80.
