По серијата заминувања од Струмица, клубот го промовира Џибрил Дианеси кој доаѓа во ПМФЛ по настапи во Белгија, Холандија и Франција. 28-годишникот игра на позицијата напаѓач и десно крило, тој пристигнува од редовите на Ла Лувиер.
Кариерата на Дианеси тргна преку Тулуз. Тој потекнува од Мали, меѓутоа во францускиот клуб настапуваше уште од младинските категории и заигра за Б тимот. Следеа трансфери во Фортуна Ситард и Мастрихт во Холандија, играше за Пау од Франција, како и за Калју во Естонија.
Последниот ангажман му беше во белгиската втора лига за екипата на Ла Лувиер.
