„Продолжуваме да работиме на нашиот внатрешен план, на сè што е потребно за да обезбедиме Украина да биде силна. Денес покривме неколку точки, вклучувајќи го културниот суверенитет, кој го опфаќа културното наследство на Украина, современата култура и културната дипломатија“, кажа Зеленски.
Тој истакна дека е разработен делот од планот кој се однесува на безбедноста.
Министерството за внатрешни работи и службата за безбедност развија некои добри решенија и дефинитивно ќе ги спроведеме сите, порача Зеленски.
Додаде дека се детално обработени и точките кои се однесуваат на енергијата и оружјето, односно неговото производство во соработка со западните партнери.
„Вкупно има десет точки кои ќе бидат претставени следната недела и за секоја точка, заедно со граѓанското општество и со сите кои се спремни да придонесат со рационални идеи, ќе подготвиме темелен, доктринарен документ за Украина, за нашата отпорност“, наведе Зеленски.
Истакна дека еден од клучните елементи на внатрешниот план за јакнење на Украина е неговата економска компонента.
