Попладнево, во Дизелдорф, Франција со 1-0 ја совлада Белгија со автоголот на Вертонген.
Избраниците на Дешам беа подобар противник, креираа доста шанси за гол, но потфрлија во завршницата од акциите.
И кога се чинеше дека натпреварот ќе оди во продолженија, еден удар на Коло Муани се одби од коленото на Јан Вертонген и заврши во мрежата за водсто од 1-0 во 85. минута од мечот.
Белгија и онака прикажа премалку, па до крајот на натпреварот не успеа да стори нешто повеќе за да избегне елиминација.
Интересно, „триколорите“ обезбедија пласман помеѓу осумте најдобри на стариот континент и покрај тоа што немаат постигнато гол од игра.
Против Австрија, автогол си постигна Вебер, а против Полска, голот на Мбапе беше од пенал.
