„Утринава се исфрлени 26 тони хуманитарна помош која се состои од преку 11.000 оброци“, соопшти шпанското министерство за надворешни работи.
#BREAKING #Spain #Gaza The Spanish Air Force delivered 26 tons of food aid to the Gaza Strip. pic.twitter.com/fn6NXHCIy1
— The National Independent (@NationalIndNews) March 27, 2024
Во вторникот два авиони полетале од воената база во шпанскиот град Зарагоза и пуштиле пакети на територијата опколена од израелската војска.
„Шпанија инсистира на отворање на граничните премини бидејќи тоа е неопходна мерка за избегнување на гладувањето во Појасот Газа“, порача официјален Мадрид.
Шпанија наведува дека доставувањето помош по копно е поефикасен начин на решавање на итната хуманитарна ситуација, но поради „тешкотиите во пристапувањето“ се советуваат сите начини на доставување помош, вклучувајќи го воздушниот.
Joint operation of @SpainMFA and @Defensagob to deliver humanitarian aid to Gaza.
A new shipment of aid @AECID_es leaves today from the Zaragoza Air Base with 23 tons of food destined for the civilian population suffering the serious consequences of the war. pic.twitter.com/50dWdac1bs
— Spain MFA (@SpainMFA) March 26, 2024
„Околу 1,1 милион луѓе во Газа се соочуваат со катастрофална прехранбена неизвесност. Сегашната состојба на испраќање помош од воздух не е доволна за сопирање на гладот и обезбедување основни намирници како вода и хигиенски материјал“, се наведува во соопштението.
Околу 32.000 Палестинци, од кои 70 отсто жени и деца, се убиени во Појасот Газа од почетокот на војната на Израел против Хамас. Ранети се 74.188 палестински цивили.
Шпанија овој месец јавно ѝ пружи поддршка на агенцијата на Обединетите нации за палестинските бегалци (УНРВА) на која лани ѝ уплати 19,5 милиони евра од вкупно 50 милиони евра помош за Палестинците. Најави дополнителни 23,5 милиони за школување на децата.
