Новиот модел првично ќе се продава во Кина, но наредниве месеци ќе стигне и на светските пазари. Има „БОЕ“ екран, „ИП-69“ сертификат за отпор и поголема силиконско-јаглеродна батерија со капацитет од 6.000 мегаампер-часови. Екранот изгледа како да е рамен, но суптилно е закривен од сите страни. Како резултат на тоа, „Уанплус 13“ е малку пократок од неговиот претходник, но сепак има екран од 17,32 цм.
Други особини на новиот телефон се резолуција од 1.440 пиксели, широка палета на осветленост и стапка на освежување 1 до 120 херци. Тука е и пософистицираниот ултразвучен скенер за отпечатоци.
Паметниот телефон е достапен во бела, метално-темносина и сина боја. Верзијата со 256 ГБ внатрешна и 12 ГБ РАМ-меморија чини 632 долари, а најскапата верзија со еден терабајт внатрешна и 24 гигабајти РАМ-меморија чини 842 долари.
