Вооружениот напаѓач, за кого полицијата вели дека чекал некое време пред пристигнувањето на Томпсон, почнал да пука од оддалеченост од околу 7 метри и пукал повеќе пати. Како што јавуваат американските медиуми, напаѓачот носел маска и избегал кон исток по 6-тата авенија.
Други детали не се познати, но полицијата соопшти дека се чини дека станува збор за нарачано убиство. Од компанијата Јунајтед хелткер засега не одговараат на прашањата на медиумите. Хотелот Хилтон се наоѓа во богатиот дел на Менхетн, каде вакви оружени напади се невообичаени.
