„Треба да размислиме на кој американски непријател би можеле потенцијално да му пренесеме нашата нуклеарна технологија“, наведе Медведев на својот профил на Телеграм.
Њујорк тајмс претходно оваа недела објави дека некои американски официјални лица велат дека американскиот претседател Џозеф Бајден може да ѝ го врати нуклеарното оружје на Украина, кое таа го загуби по распадот на СССР.
Американските и европските претставници, наводно, размислуваат за одвраќање како можна безбедносна гаранција за Украина. Ова може да се реализира во форма на присуство на залихи на конвенционално оружје на територијата на Украина, напиша Њујорк тајмс.
„Некои официјални лица дури предложија Џо Бајден да ѝ го врати на Украина нуклеарното оружје што ѝ беше одземено по распадот на Советскиот Сојуз“, вели Њујорк тајмс.
Сепак, напиша весникот, тоа би бил комплициран потег со сериозни последици.
