• 1 кг бавно печена свинска плешка (или бут)
• 1 кромид, ситно сечкан
• 2 црвени пиперки ајварки, ситно сечкани
• 2 чешниња лук, здробени
• 250 г барбекју-сос
• 350 г традиционален доматен сос
• 1 конзерва сечкани домати
• пакетче шпагети, сварени
• зачин за свинско „вегета“
• маслиново масло
Приготвување:
Раскинете го со прсти бавно печеното свинско на ситни парчиња. Поделете го на два дела, а едната половина досечкајте ја со нож.
Во голема тава на средна температура ставете од маслиновото масло и запржете ги кромидот и пиперките, а потоа и лукот.
Додајте ја половината сечкано свинско, зачинот за свинско, доматите од конзерва, доматниот сос и барбекју-сосот. Оставете да крчка околу 30 минути, повремено промешувајќи.
Во сосот додајте ги сварените шпагети и измешајте. Одозгора наредете ја другата половина свинско месо и попрскајте уште малку барбекју-сос. Послужете.
