„Ќе треба малку време да се истражат овие процеси“ рече тој.
На прашање на новинарот дали има сознанија дека полицијата лошо постапила, тој одговори дека има сомнежи и тоа откако е дојден како министер и за истите дал насоки да се истражат.
„Не би сакал во јавноста да давам изјави за кои се уште немам основано сомнение. Можеби и нема да биде така. Ако сè било во ред, да го затвориме тоа сомневање, кој што не го имам само јас, туку и други луѓе внатре во министерството“, рече Тошковски.
Медиумите во врска со овој случај пишуваа дека полицијата не постапила соодветно по киднапирањето на Жежовски и пријавата дека го нема и неговото возило, истото возило со кое неколку дена подоцна 14-годишното девојче беше однесено од центарот на Скопје до атарот на селото Бразда каде што било убиено. И покрај пријавата на велешката полиција, за ова возило немало никаква полициска наредба за потрага.
