Зборувајќи во Пекинг, таа кажала дека војната која трае повеќе од илјада дена влијае на целиот свет, во што се вклучени и кинески дронови и севернокорејски војници. Бербок кажа дека пристигнала во Кина со цел мирот во Украина да стане интернационална цел. „Секоја членка на Советот за безбедност на Обединетите нации има одговорност за мирот и безбедноста во светот“, кажала таа.
Таа оценила и дека рускиот претседател Владимир Путин е „проблем и за Азија“, кажувајќи: „Рускиот претседател со војната која ја почна против Украина не го загрозува само европскиот мир, туку сега преку Северна Кореја ја вовлекува и Азија“.
Бербок на кинескиот министер за надворешни работи Ванг Ји му кажала дека постапките на Москва и нивните последици не ѝ одговараат на Кина. Берлин веќе некое време се обидува да го развие дијалогот со Кина и да ја привлече кон ставот на Западот.
Пекинг во повеќе наврати истакна дека е неутрален и дека за разлика од САД и западните земји никому не испраќа воена помош.
