„Овие измени ќе бараме да важат веднаш и за актуелниот состав на Владата. Лојалноста кон народот и кон иднината на нашата земја е основен предуслов за секој кој бара доверба и ја има одговорноста да управува со државата. Нашиот став е јасен: политичарите мора да бидат лојални на народот и државата. Ги повикуваме Христијан Мицкоски и ВРМО-ДПМНЕ да ја прифатат оваа иницијатива со која ќе ги осигуриме институции дека ќе ги водат луѓе кои искрено стојат зад оваа држава, и луѓе кои не се под влијание на други држави“, велат од СДСМ.
Од партијата наведуваат дека оваа иницијатива за законски измени е „инспирирана“ од „скандалот со Сања Божиновска (министерката за енергетика) која неколкупати ги излажа граѓаните за нејзиното бугарско државјанство како и за вистинските мотиви да го побара истото“, што според СДСМ, „го покажува лицемерието на Мицкоски и ВМРО-ДПМНЕ“.
