„Нападот врз болница и училиште во Газа со стотици цивилни жртви е нехуман чин на терор за кој нема оправдување.
Почитување на меѓународното и хуманитарно право е приоритет, а цивилите мора да бидат целосно заштитени по секоја цена. Сторителите на овој чин мора да бидат јасно идентификувани и да одговараат“, напиша Османи на социјалната мрежа Икс.
Претходно, кога започна воениот судир на Блискиот Исток, Османи изрази силна осуда за нападот на Хамас врз Израел и за големиот број загинати цивили.
Инаку, движењето Хамас директно го обвини Израел за нападот врз болницата со тврдење дека се загинати над илјада лица, Израел пак тврди дека станува збор за ракета истрелана од Хамас врз израелска теротирија, но која паднала врз болницата. Лекари од болницата соопштија дека се загинати околу 500 лица.
Со силна осуда за израелскиот напад врз болницата се јавија и Алтернатива и Беса, со оценки дека станува збор за терор, за геноцид и со барање за меѓународна истрага.
