Тој вели дека охриѓанката Ивана Шапкар работела во Стопанска банка АД Битола, која секако не е јавен државен управен орган или институција за да Шапкар има искуство од управни работи и за да може да биде член на Второстепената комисија.
„Ова е незаконито, не може човек што работел во банка да има искуство од управни работи, ова е основ за разрешување. И не само тоа, ова е основ за жалба и за поништување на решение на комисијата“, вели Милошоски.
За член на оваа комисија од Владата ја предлага и Весна Илиева Лубуриќ која работело во АД МЕПСО и која, како што наведува Милошоски, исто така не ги исполнува законските услови за да одлучува по жалбите на граѓаните. А, ако овие две кандидатки бидат избрани, тогаш се отвора простор да бидат поништени и решенијата што ќе ги донесе Второстепената комисија токму по основ на тоа што во донесувањето на нивните одлуки учествувале членови кои се незаконски избрни, пренесе Глаголица.мк.
