Пожар избувна на островот Кос во понеделникот и излезе од контрола бидејќи силните ветрови го проширија кон Кардамаина, популарно туристичко одморалиште на источниот брег на островот, пренесува Екатимерини.
За време на гаснењето полесно се повредени пет пожарникари, околу 10.000 туристи и жители се евакуирани од областа и сместени во училишта, спортски стадиони и хотели во Антимакија, Мастичари и Мармари.
Пожарникари и камиони беа испратени и од Атина и Родос за да им помогнат на локалните сили да го стават пожарот под контрола.
Wild fires in Kos today/ tonight hundreds of hotels evacuated pic.twitter.com/DnuXMkT4cE
— chrismoreton (@chrismoretonme1) July 1, 2024
На Хиос, пак, избувна пожар во областа Сидирунди, која се наоѓа на северозапад од островот и е позната по прекрасната средновековна населба, која, за среќа, не е оштетена.
3 Mitsis hotels (2500+ people) on evacuation standby as fires come closer #Kardamaina #kosfire pic.twitter.com/vjAYBVvTkf
— Ian Cook (@iancook) July 1, 2024
Дополнителни противпожарни сили беа испратени од Лезбос и Атина за да им помогнат на напорите на локалните служби, така што до утринава пожарот беше ограничен на шумскиот дел од островот и пренасочен од станбените области.
Во меѓувреме полесно се повредени пет пожарникари. Надлежните уапсиле 63-годишен маж кој ненамерно го предизвикал пожарот и е казнет со речиси 9.000 евра, против него ќе биде поднесена кривична пријава за подметнување пожар.
Wildfires from our balcony in Kos, Greece been alight since around mid day. #kos #fire pic.twitter.com/BX5A6kOKbP
— LMG (@Grainge80) July 1, 2024
Третиот шумски пожар беше на Крит, особено во Вианос, на јужното крајбрежје на Ираклион и сѐ уште беснее. Локалните власти на островот превентивно го евакуираа селото Катофиги, додека помош во гаснењето на пожарот беше испратена од другите делови на островот.
