На случувањата во студиото реагираше и Македонската асоцијација на новинари (МАН) со поддршка на директорот Мирчевски, водителот Видиновски и гостинот Момировски.
„Со етикетирањето на национална основа, Исмет Рамадани ја загрозува безбедноста на новинарите учесници во дебата, како на Канал 5 ТВ. Ги осудуваме сите политичари, советници и владини функционери, како и аналитичари кои со години полесно или потешко, и без одговорност јавно навредуваат цели медиуми, новинари, ги етикетираат, па дури и ги обвинуваат за сторени кривични дела како говор на омраза или национална нетрпеливост.
Канал 5 секогаш покажува висок степен на професионализам и конструктивно етичко дебатирање во своите емисии.
Го повикуваме Исмет Рамадани веднаш да се извини до редакцијата на Канал 5 ТВ. Доколку не се извини, МАН заедно со Канал 5 ќе ги преземе сите правни мерки за заштита на новинарите и медиумот“, се вели во соопштението на МАН.
