Пелистер пропушти уште еднаш да ја победи Фредериција, но Алонсо изрази задоволство од играта на своите ракометари.
„За мене ова беше посебен натпревар. Имавме краток период за одмор и да се подготвиме за ваков ривал беше проблем. Воодушевен сум од дочекот на навивачите и горд на борбата на теренот. Не се откажавме се боревме цело време и бркавме негатива. Во првото полувреме можеби не изгледавме најдобро, но во продолжение знаевме дека со помош на публиката може да се вратиме. Имавме шанси и да победиме, но ако не ги искористите шансите не заслужувате да победите, бодот сепак е добар за нас. Сега ќе одмориме пред лигашкиот натпревар, а потоа одиме на гости кај Вепсрем. Се надевам нема да имаме проблеми со повреди“, изјави Алонсо.
Следниот натпревар на Пелистер во Лигата на шампионите е на гостински терен кај Веспрем на 28 ноември од 20:45 часот.
