Пратениците во Европскиот парламент (ЕП) гласаа за реизбор на Фон дер Лаен, која беше на чело на ЕК и во претходниот мандат.
Congratulations Ursula @vonderleyen on your well deserved re-election as President of the @EU_Commission by the @Europarl_EN!
It is testament to your strong leadership and unwavering values in testing times.
Europe stands strong and stands ready. #Together 🇪🇺 pic.twitter.com/FHAtYlfvh4
— Roberta Metsola (@EP_President) July 18, 2024
За изборот на фон дер Лаен гласаа 401 европратеник, 284 беа против, додека 15 европратеници беа воздржани. Седум пратеници не гласаа.
Таа претходно во политичките насоки за следната Европска комисија изјави дека пристапувањето во ЕУ секогаш ќе биде процес заснован на заслуги и рече дека ќе има зголемена поддршка за подготовка на земјите-кандидати, вклучително и преку инвестиции и реформи од Планот за раст за Западен Балкан.
„Пристапувањето во ЕУ секогаш ќе биде процес заснован на заслуги – и секој кандидат ќе биде оценет според сопствениот напредок кон исполнување на сите критериуми. Ќе ја зајакнеме поддршката за подготовка на земјите-кандидати, особено користејќи инвестиции и реформи во Планот за раст за Западен Балкан и инструментот за Украина. Ова ќе помогне да се интегрираат во делови од правото на ЕУ и единствениот пазар, и ќе ги навикне да пристапуваат до фондовите на ЕУ“, се наведува во политичките насоки на Фон дер Лаен, објавени од Европската комисија.
