Напад со дрон врз фабрика во градот Кореново во рускиот регион Курск предизвика пожар кој беше изгаснат сабајлево. Во фабриката нема жртви.
Фотографиите објавени на каналот Телеграм на локалниот гувернер Алексеј Смирнов покажуваат фабрика чиј покрив е во пламен. Нејзината внатрешност била целосно изгорена.
Едно лице е повредено кога дрон фрлил експлозив врз куќа во истиот регион, изјави Смирнов.
A drone attack on a low-voltage equipment plant in the village of Korenevo, Kursk Oblast, was reported by acting governor Alexei Smirnov. The drone allegedly dropped an explosive device on the plant’s territory overnight on July 15. The official accused Ukraine of the attack. pic.twitter.com/l3S4V94bbo
— Hromadske Int. (@Hromadske) July 16, 2024
Руското Министерство за одбрана соопшти дека противвоздушната одбрана уништила 13 украински беспилотни летала во текот на ноќта, вклучително и едно во регионот Курск.
Вјачеслав Гладков, гувернерот на руската област Белгород, изјави дека четири лица се повредени во украинското гранатирање. Во регионот Воронеж едно лице е повредено во напад со дрон, изјави локалниот гувернер Александар Гушев.
Рускиот весник Комерсант во вторник пишува дека властите размислуваат за евакуација на жителите од 14 села во регионот на Белгород, кои се цел на украински напади.
