Македонскиот шахист имаше рејтинг перформанс од 2763, само 20 помалку од златниот медалист ВМ Таи Даи Ван Уин од Чешка.
Тони Лазов на втора табла одигра 8 меча, од нив оствари седум поени и имаше едно реми.
Ова е четврти поединечен медал за Македонија на шаховските олимпијади по бронзениот на ВМ Трајко Недев во Ереван 1996 со 8 поени од 11 партии како резерва, златниот на ВМ Драгољуб Јаќимовиќ на третата табла во Истанбул 2000 со 7/9 и среброто на ВМ Владимир Георгиев на третата табла во Калвија (Шпанија) со 9/12.
Во последното 11. коло македонските шахисти загубија со 3-1 од Летонија. Евгени Романов на прва табла и Никола Николовски на втора одиграа реми со своите противници, а Емил Ристески и Антон Златков ги загубија своите мечеви.
Шахистите Олимпијадата ја завршија на 61. место од 188 учесници.
Дамите во последното коло загубија од Шри Ланка со 2,5-1,5. Цел поен освои Ивана Манова на втора табла, Моника Стојковска на прва табла ремизираше, а Моника Жежовска и Леа Ефтовска ги загубија мечевите.
Македонската женска шаховска репрезентација настапот го заврши на 77. место од 169 учесници.
И во машка и во женска конкуренција првото место ѝ припадна на Индија.
