Вера Бергкамп објави писмо кое го испратила до одделот на Твитер за глобални прашања изразувајќи „длабока загриженост“ поради неодамнешните твитови насочени до членови на парламентот кои содржеле закани со смрт и „повици на насилство, па дури и убиство“.
„Тоа е веројатно казниво по холандскиот кривичен закон“, напиша таа на Твитер.
Ik maak mij grote zorgen over bedreigende en gewelddadige tweets richting Kamerleden. Daarom vraag ik Twitter @GlobalAffairs daar actie tegen te ondernemen. Lees hier mijn brief ⬇️ pic.twitter.com/dMiE0q7QJR
— Vera Bergkamp (@Vera_Bergkamp) May 31, 2023
Лидерот на холандската антиисламска Слободарска партија Герт Вилдерс повеќе од деценија е честа мета на закани со смрт на Твитер.
Милијардерот Илон Маск го купи Твитер во октомври 2022 и порача дека сака да спречи платформата да стане простор за омраза и поделби.
„Разбирам дека Твитер напорно работи на намалување на токсичната и нелегална содржина“, напиша Бергкамп. „И покрај тоа, ве повикувам да преземете моментални мерки за да го решите тој проблем, за да ја зачуваме нашата слобода на изразување“.
Иако не е членка на парламентот, холандската министерка за финансии Сигрид Кад од партијата на левиот центар Д-66 исто така била изложена на закани на социјалните мрежи, но и надвор од нив.
Минатата недела Каг истакна дека поради тоа размислува за напуштање на политиката, што отвори национална дебата.
