Во првиот натпревар од новата сезона во НБА лигата, шампионот Бостон славеше убедлива победа против Њујорк.
Веќе во првата четвртина беше јасно дека гостите нема што да бараат во „ТД Гарден“ а конечниот резултат гласеше 132-109.
„Селтикс“ имаа шутерско шоу, погодија рекордни 29 тројки и го изедначија постигнувањето на Милвоки од 2020.
Тејтум постигна 37 поени со брутални 8 од 11 обиди од далечина, а мечот го заврши со дабл-дабл учинок откако забележа и 10 скокови. Вајт реализираше 24 поени, Браун 23 поени, Холидеј 18 поени, а двоцифрен беше и Хорфорд со 11 поени.
Во редовите на Њујорк најефикасен беше Џејлен Бронсон со 22 поени, Карл Ентони Таунс дебитираше со 12 поени и 7 скокови.
