Лидерите на ЕУ потпишаа минатата недела на неформалниот самит декларација за конкурентноста.
„Цените на енергијата треба да се намалат на сите начини. Тоа значи дека треба да се преиспитаат санкциите, бидејќи според сегашната политика на санкции цените на енергијата нема да паднат“, кажа Орбан во интервју за унгарското државно радио, пренесува Ројтерс.
Орбан кажа дека американските компании плаќаат четвртина од износот кој нивните европски колеги ги трошат на гас и струја, што е хендикеп кој не може да се надмине со други средства.
Од почетокот на конфликтот во Украина во 2022, Орбан се истакна како гласен критичар на санкциите на ЕУ против Москва.
Додека земјите од западна Европа вложуваат сериозни напори да се откажат од руската енергија, Унгарија, земја без излез на море, добива 80 до 85 отсто од гасот од Русија, а 80 отсто од сировата нафта исто така од својот поранешен комунистички сојузник.
