Месечевиот лендер М1 треба да слета околу 18:40 часот, по полетувањето од Кејп Канаверал во Флорида во декември со помош на ракетата Спејсекс.
Бидејќи Јапонија има големи амбиции да изгради домашна индустрија за вселенска технологија, успешното слетување ќе означи пресвртница за Јапонија, која имаше историја на неуспеси во секторот на вселенска технологија.
Еден од најголемите неуспеси се случи во март, кога Јапонската агенција за воздушно истражување (JAXA) ја загуби својата нова ракета Х3 поради принудно мануално уништување откако стигна во вселената. А тој настан се случи пет месеци откако ракетата Епсилон на JAXA киксна при лансирањето.
Лунарниот лендер М1, висок 2,3 метри, ќе ја почне едночасовната фаза на слетување од неговата сегашна позиција во лунарната орбита на околу 100 километри над површината, патувајќи со брзина од речиси 6.000 километри на час, изјави главниот технолошки директор на вселенската област, Рио Уџие.
Уџие ја спореди задачата за забавување на лендерот до правилната брзина во однос на гравитациската сила на Месечината со „притискање сопирачка на велосипед што вози на работ на скијачка скокалница“.
Досега само САД, поранешниот Советски Сојуз и Кина успеале да спуштат вселенски летала на Месечината, додека обидите на Индија и на една приватна израелска компанија во последниве години беа неуспешни.
По слетувањето на северната хемисфера на Месечината, М1 ќе пушти два ровера, едниот развиен од JAXA, јапонскиот производител на играчки Томи и Сони, а другиот ровер Рашид, испратен од Обединетите Арапски Емирати. Покрај тоа, M1 носи и експериментална крута батерија направена од НГК Спарк плаг.
Во својата втора мисија планирана за 2024 година, М1 ќе носи ровер на самиот Испејс, додека од 2025 година ќе работи со американската вселенска лабораторија Дрејпер на доопремување на товар на НАСА на Месечината, со цел до 2040 година да се изгради лунарна колонија со стабилен персонал.
Акциите на Испејс, компанијата за лунарен транспорт со седиште во Токио, имаа блескаво пазарно деби на Токиската берза претходно овој месец, бидејќи инвеститорите се обложуваат дали нејзиниот лунарен развој и транспортен бизнис ќе се вклопи во јапонската национална одбранбена политика и вселенски развој.
