„Двајца граѓани беа убиени од окупациски куршуми во Наблус“, се вели во соопштението на палестинското Министерство за здравство.
Палестинската Црвена полумесечина објави дека израелската армија со гасни бомби ја гаѓала и специјализираната болница во Наблус.
Радиото Гласот на Палестина објави дека израелските сили извршиле рација во стан во предградието на Стариот град во Наблус и дека војниците се повлекле од градот откако уапсиле двајца млади мажи.
Палестинската група Лавјо дувло соопшти дека нејзините членови се судриле со израелските сили.
Очевидци за Анадолу изјавиле дека израелските сили упаднале во населбата Ал-Махфија во Наблус, а потоа дошло до оружени судири со палестински момчиња, при што армијата употребила боева муниција, гумени куршуми и гасни бомби.
Палестинската новинска агенција ВАФА објави дека со денешните жртви, бројот на Палестинците убиени од израелската армија од почетокот на годинава се зголемил на 94. Меѓу нив има 17 деца и една жена.
