Палестинските власти ја објавија новата листа со имиња со укажување дека сите што се наоѓаат на неа треба да бидат на граничниот премин во 7 часот утринава.
Министерството за надворешни работи (МНР) вчера ја поздрави одлуката за отворање на граничниот премин Рафа меѓу Појасот Газа и Египет, со што се овозможува евакуација на странските државјани, вклучително и петте државјани на Македонија.
„Како што претходно информиравме, нашите државјани кои се наоѓаат во Газа веќе се вклучени во списоците за евакуација и истото очекуваме наскоро да се реализира согласно околностите на терен и динамиката на евакуација, имајќи го предвид големиот број странски државјани во Газа кои се дел од оваа операција. Преку тесна и континуирана комуникација со надлежните институции на Египет и Израел како и со нашите државјани, Министерството за надворешни работи е непосредно и континуирано активно вклучено, со цел нашите државјани да бидат безбедно и навремено евакуирани“, соопшти МНР.
Луѓето кои се наоѓаат на листата на странци и со двојно државјанство, објавена од пограничните власти на Газа, покрај четворицата македонски државајани се и од осум од Азербејџан, 50 од Белгија, шест Бахреин, по двајца од ЧАД и Мексико, По дваесет од Унгарија и Холандија, 23 од Хрватска, 24 од Грција, четворица од Италија и ОН, пет од Јужна Кореа, 17 од Шри Ланка, 11 од Швајцарија и најмногу 400 од САД.
