Во вчерашното гранатирање на центарот на градот, кој се наоѓа на северот на Украина во близина на границата со Белорусија, меѓу осумте загинати има и едно дете, повредени се 144 лица.
„Сигурен сум дека нашите војници ќе ѝ дадат одговор на Русија за овој терористички напад – значаен одговор“, рече украинскиот претседател, пренесе Гардијан.
Министерот за внатрешни работи Ихор Клименко изјави дека повеќето од жртвите биле во возила, дел од нив се враќале од црква кога се случил нападот.
„Нападот се случи на православниот празник Преображение Господово. Четириесет и едно лице беше во болница во саботата“, изјави регионалниот гувернер Вјачеслав Чаус.
