Во нападот е оштетена хемиската фабрика Алексин, фабрика која произведува барут и муниција за руската армија, се наведува во соопштението за печат на СБУ.
Хемиската фабрика Алексин е дел од корпорацијата Ростех и произведува муниција, барут и материјали за рускиот одбранбено-индустриски комплекс.
Како што се наведува во соопштението, од 21 часот и 30 минути е прогласена тревога од воздух во различни региони на Русија поради летови со беспилотни летала, во три часот по полноќ жителите на областа Тула пријавиле напад на хемиска фабрика, експлозии и движење на противпожарни возила во тој правец, пренесува агенцијата Сусплине.
„СБУ спроведува сеопфатна истрага за објекти на територијата на Руската Федерација кои се вклучени во војната во Украина. Нападите на магацините за оружје, воените аеродроми и претпријатијата кои се дел од руската воена индустрија ја намалуваат способноста на Русија да ја тероризира нашата земја“, изјави изворот од СБУ.
Last night, the AFU conducted a long-range drone attack on a yet to be firmly identified target in #Aleksin, #Tula Oblast, Russia. By the sound of the engine, I am guessing it was an Aeroprakt A-22 Foxbat that was converted into a UAV.
According to the Russian Ministry of Lies,… pic.twitter.com/FbcRx8K5L4
— OSINT (Uri Kikaski) 🇺🇸 🇨🇦 🇬🇧 🇺🇦 🇮🇱 (@UKikaski) November 9, 2024
Министерството за одбрана на Русија соопшти дека во текот на ноќта биле соборени 50 украински беспилотни летала.
Забележано е дека 28 беспилотни летала биле соборени над територијата на регионот Брјанск, 12 над територијата на Курск, четири над територијата на Новгород, по два над територијата на регионите Смоленск и Тула и по еден над териториите на Ориол и Тверски региони.
Рускиот телеграмски канал Астра објави дека најмалку 11 беспилотни летала го нападнале градот Алексин во областа Тула.
