„Уште едно руско воено злосторство. „Окупаторите ги нападнаа возилата на хуманитарната мисија на МКЦК во регионот на Доњецк“, изјави украинскиот претседател Володимир Зеленски.
„Најостро ги осудувам нападите врз службениците на Црвениот крст. Бескрупулозно е гранати да го погодат местото каде што се дели помошта“, изјави претседателката на МКЦК, Мирјана Шпољариќ.
Беше наведено дека возилата на МКЦК се редовно присутни во регионот на Доњецк и се означени со знакот на Црвениот крст.
Украинските власти соопштија дека вработените на Црвениот крст доставувале брикети за греење на граѓаните и ја растоварале помошта кога се случил нападот.
Еден од ранетите претставници на МКЦК е во тешка состојба, пренесува Ројтерс.
Регионот Доњецк, под делумна окупација на руските сили, редовно е изложен на руски гранатирања и воздушни напади. Москва негира дека цели кон цивили или цивилна инфраструктура во нејзината инвазија на Украина, иако илјадници луѓе се убиени во нејзините напади, истакнува Ројтерс.
