„Одлучивме не само да ги поместиме границите на патничките автомобили, туку и на тркачките автомобили“, кажа Римац.
„Значи, правиме автомобил за патеката, едносед кој на повеќето патеки ќе биде побрз од кој било тркачки автомобил. Побрз од Формула 1, побрз од Ле Ман“, кажа Римац.
Ваквиот автомобил е голем исчекор за компанијата Римац автомобили, која досега произведуваше само двоседи на електричен погон, пишува Мотор1 и додава дека Римац кажа дека автомобилот нема да биде базиран на невера, туку ќе биде направен на сопствена, посебна платформа.
„Веројатно ќе го покажеме оваа година и ќе ги направиме првите примероци наскоро“, кажа Римац.
Тој потврди дека едноседот ќе биде возило само за тркачките патеки и нема да биде прилагоден за патиштата. Исто така, вели дека автомобилот нема да ги почитува утврдените правила.
„За безбедноста да, но за сè останато? Нема правила. Нема да се придржува до правилата на Формула 1“, кажа Римац.
