Разговорите меѓу рускиот и монголскиот лидер се одржаа во јурта, традиционален монголски номадски шатор поставен во зградата на Државната палата во главниот град на Монголија, пренесува РИА Новости.
Official welcome for President Putin by the the President of Mongolia, Ukhnagiin Khuresukh. The talk will be held in a traditional Yurt. The West is outraged, but their power is gone, Russia is welcomed in many countries. pic.twitter.com/7zyBRagbY1
— sonja van den ende (@SonjaEnde) September 3, 2024
„Покрај економската и политичката сфера, каде што активно соработуваме, би ја истакнал и ефективната работа во хуманитарните области, особено во областа на образованието. И покрај сите тешкотии, вклучително и оние што ги спомена претседателот на Монголија, како и историја на ковид, сепак влеговме на патот на раст на трговските односи и трговскиот сообраќај“, рече рускиот претседател и додаде дека „билатералната меѓувладина комисија работи активно и нејзината работа дава резултати“.
Претседателот на Монголија ја прифати поканата на Путин да присуствува на самитот на БРИКС+ во Казан во октомври оваа година. „Ви благодарам, ја прифаќам вашата покана“, изјави монголскиот претседател Хурелсух.
Ова е прво патување на Путин во земја која е потписничка на статутот на Меѓународниот кривичен суд (МКС) кој пред 18 месеци издаде налог за негово апсење, на што особено укажуваат западните медиуми.
Одговарајќи на новинарско прашање дали имало преговори со монголските власти за ова прашање, портпаролот на Кремљ, Дмитриј Песков, рече дека сите аспекти на патувањето биле внимателно подготвени.
Предистражниот совет на МКС, чија јурисдикција не ја признава Русија, издаде налог за апсење на Путин и детскиот правобранител Марија Лвова-Белова.
Портпаролот на монголската влада во изјава за бриселскиот портал Политико рече дека земјата е во позиција на енергетска зависност, поради што е тешко да се стават лисици на Путин по наредба на Меѓународниот кривичен суд за воени злосторства во Украина.
„Монголија увезува 95 отсто од своите нафтени деривати и над 20 отсто од својата електрична енергија од нашето непосредно соседство, кои претходно беа прекинати поради технички причини. Ова снабдување е клучно за да се обезбеди нашето постоење и егзистенцијата на нашиот народ“, рече портпаролот.
„Монголија отсекогаш одржувала политика на неутралност во сите нејзини дипломатски односи, како што е прикажано во нашите претходни изјави“, додаде тој.
