Оскар Пјастри успеа да му доенсе важна победа на Мекларен, Шарл Леклер не успеа да дојде до триумф иако прв ја стартуваше трката во Баку.
Ферари и Леклер тргнаа од стартната позиција, на почетокот имаа предност, но Пјастри успеа да го престигне и да го издржи притисокот до крајот на трката.
Пјастри одби неколку директни обиди за претекнување на Леклер и на крајот сосема заслужено стигна прв на целта.
Перез беше блиску да дојде до второто место, но Леклер се задржа таму. Трката ја одбележа судирот меѓу Перез и Саинц, Шпанецот и Мексиканецот завршија во заштитната ограда. Двајцата возачи не продолжија.
Покрај Пјастри и Леклер, на подиумот се најде и Расел кој заврши како трет. Во топ десет беа уште Норис, Ферстапен, Алонсо, Албон, Колапинто, Хамилтон и Берман.
До промена дојде во генералниот пласман во конкуренцијата на конструктори каде сега Мекларен со 476 бода изби на првото место пред Ред Бул кој има 456, трет е Ферари со 425.
Ферстапен иако не победува на последните трки, го држи првото место со 313 бодови, Норис е втор со 254, Леклер има 235, а Пјастри 222.
