Портпаролот на Ватикан, Матео Бруни изјави дека откажувањето на активностите се однесува само на аудијенцијата закажана за денеска, пренесува АП.
Претходно денеска Ватикан соопшти дека активностите на папата се откажани како мерка на претпазливост.
Според планот, папата во четврток ќе отпатува за Луксембург, а викендот ќе биде во Белгија.
На почетокот на оваа година Папата веќе ги откажа своите активности поради настинка и бронхитис, а за време на двонеделната посета на Југоисточна Азија и Океанија беше во добра здравствена состојба – присуствуваше на повеќе од 40 настани и помина речиси 33.000 километри.
