Ѓоковиќ ги избегна Рафаел Надал и Роже Федерер, кои може да се сретнат пред финалето, додека кај дамите бранителката на пехарот Ким Клајстерс и ланската финалистка Ли На може да го репризираат финалниот дуел веќе во четвртото коло. На истата половина од костурот каде што е бранителката на трофејот се наоѓа и Вознијацки, која пак се бори со времето за да биде подготвена за стартот на Австралија опен, откако го повреди прстот вчера на ВТА-турнир.
Кај мажите, прв ривал на Федерер и на Надал ќе им бидат квалификанти, кои моментно се борат за пласман на главниот турнир, додека Енди Мареј за противник го доби Американецот Рајан Харисон.
Од другите поинтересни дуели, Давид Ферер ќе игра со Мачедо, Жо ВИлфред Цонга со Истомин, Дел Потро со Манарино, Алмагро – Кубот…
