Хари Мегваер стана најскапиот дефанзивец во светот кога Манчестер јунајтед на Лестер му плати 80 милиони фунти за негов ангажман во 2019 година.
Но Англичанецот се покажа како големо промашување и со честите киксови го навлече гневот на навивачите, кои оваа недела со радост ја дочекаа веста дека Вест Хем договорил трансфер вреден 30 милиони фунти.
„Чеканите“ сега треба да го убедат Хари Мегваер да се пресели во Лондон, и еден проблем може да биде платата, играчот нема шанси да заработува како што заработува сега на Олд Трафорд.
Па за да го „подмачка“ трансферот, Манчестер јунајтед е подготвен да му плати на Хари Мегваер 6 милиони фунти и да го компензира за помалите примања во Вест Хем.
