Пред натпреварот меѓу неговите два поранешни клубови, Интер и Лацио, Горан Пандев доби срдечен пречек зачинет со подарок.
„Враќањето во Милано ми разбуди многу емоции, стадионот е прекрасен и да се заигра на него е остварување на сонот. Среќен сум што се вратив тука и се надевам на добар меч за Интер. Што мислам за дербито во Лига на шампиони? Тоа ќе биде убав натпревар, ќе биде поразличен од тој во лигата и се надевам дека Интер со два добри настапи ќе обезбеди финале. Исто така, морам да кажам дека Симеоне Инѕаги е многу добар тренер“, кажа Пандев.
Поранешниот македонски фудбалер одигра 69 натпревари за „нераѕурите“ и освои вкупно шест титули. Тој беше дел од тимот на Мурињо кој ја освои историската тројна круна.
LEGEND: Goran Pandev ??#InterLazio @Inter_en pic.twitter.com/ocbcRQGwru
— Lega Serie A (@SerieA_EN) April 30, 2023
