Предупредувачка порака РО-АЛЕРТ е испратена до жителите на квартот Тулчеа, каде околу два часа по полноќ била забележана група беспилотни летала, пренесува Агерпрес.
„Подрачјата кои Русија има намера да ги нападне се наоѓаат на територијата на Украина, но на кратко растојание од границата со Романија, така што постои можност одредени предмети, по одговорот на украинската армија на нападот, да паднат врз романска територија. Уште еднаш, ги информираме луѓето во северниот округ Тулчеа, како и туристите, дека ниту една цел или области на територијата на Романија не биле мета“, соопшти ИГСУ.
Генералниот инспекторат за вонредни ситуации на Романија во порака до населението апелира на смиреност, а во случај да почнат да паѓаат предмети од воздушниот простор, на локалното население им било советувано да се заштитат и да одат во прифатилишта.
