Надал преку видео објавено на социјалните мрежи се обрати и кажа дека тука завршува неговата тениска кариера и во иднина ќе биде само гледач.
„Здраво на сите, тука сум за да ви кажам дека се повлекувам од професионалниот тенис. Реалноста е дека имав многу потешкотии последните години и не бев во можност да играм на највисоко ниво. Очигледно ова е тешка одлука, но морав да ја донесам бидејќи се во животот има почеток и крај“, рече меѓудругото 38-годишниот Надал.
Рафаел Надал во кариерата освои 22 Гренд слема, четири титули во Дејвис купот, 36 Мастерс турнири и вкупно 92 трофеи на АТП турнирите, има злато од Олимписките игри во Пекинг и помина 209 недели на првото место на АТП листата.
Шпанецот важи за „Крал на земјината подлога“, неофицијална титула која тешко дека некој ќе му ја земе со оглед на тоа дека дури 14 пати го освои Ролан Гарос.
Пензионирањето на Надал значи дека само Новак Ѓоковиќ остана активен од големата тројка. Роџер Федерер се пензионираше во 2022 година.
Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi— Rafa Nadal (@RafaelNadal) October 10, 2024
