Се верува дека станува збор за руска противбродска мина, изјави портпаролот на романската морнарица за телевизијата Диги24.
Цивилната заштита соопшти дека нема повредени. Од почетокот на руската инвазија на Украина, романската морнарица онеспособила пет руски мини во Црно Море, изјави портпаролот.
Костинести е многу популарна туристичка дестинација на Црно Море, на околу 250 километри источно од Букурешт.
Според властите, експлозијата се случила на насип во близина на хотелот. По експлозијата се крена црн чад, изјави очевидец што го следел инцидентот од терасата на хотелот, пренесе Диги24.
