Рачни радија користени од вооружената група Хезболах вчера беа активирани низ јужен Либан, во најсмртоносниот ден во земјата откако избувнаа прекуграничните борби меѓу групата и Израел пред речиси една година, подгревајќи ги тензиите по слични експлозии на пејџери од милитанти еден ден претходно, пренесува Ројтерс.
Турски функционер, кој не сакаше да биде именуван, изјави дека турската војска користи само опрема од домашно производство и дека Анкара има дополнителни контролни механизми доколку трета страна е вклучена во набавка или производство на опремата.
„Без разлика дали се работи за операциите што ги спроведуваме, тековната војна во Украина, како и примерот на Либан, мерките се разгледуваат и се развиваат нови мерки како дел од научените лекции по секој развој“, рече функционерот.
Тој додаде дека во контекст на неодамнешниот инцидент, турското Министерство за одбрана ги спроведува потребните истраги, без да даде други детали.
За време на детонацијата на пејџери и други електронски уреди во Либан, најмалку 20 лица загинаа, речиси три илјади беа повредени. Хезболах го обвини Израел за инцидентите и вети одмазда.
