Борел, како што објави Франс прес, повика на укинување на ограничувањата за употребата на оружјето од Киев доставено од Запад во Русија.
Коментарите на Жосеп Борел дојдоа два дена откако украинскиот претседател Володимир Зеленски ја повтори својата молба до земјите партнери да им дозволат да користат оружје со долг дострел во нападот врз Русија за да го запрат напредувањето на руските сили во источна Украина.
Во објава на мрежата Икс (поранешен Твитер) по разговорот со украинскиот министер за надворешни работи Дмитро Кулеб, Борел ја опиша украинската офанзива на Курск како „сериозен удар за наративот на рускиот претседател Путин“.
Ukraine’s Kursk offensive is a severe blow to Russian President Putin’s narrative.
Lifting restrictions on the use of capabilities vs the Russian military involved in aggression against Ukraine, in accordance with international law, would have several important effects:
1/3
— Josep Borrell Fontelles (@JosepBorrellF) August 21, 2024
Тој повтори дека е за „отстранување на ограничувањата за користење на капацитетите против руската армија која е вклучена во агресија против Украина, во согласност со меѓународното право“.
Високиот претставник на ЕУ за надворешна политика и безбедност тврди дека тоа „ќе ја зајакне самоодбраната на Украина“, ќе спаси животи и ќе ги унапреди напорите за мир.
Борел рече дека ова прашање ќе биде на дневен ред на состаноците на министрите за надворешни работи и одбрана на ЕУ, што ќе се одржат на 29 и 30 август во Брисел, во присуство на Кулеба.
Две и пол години по почетокот на руската инвазија на Украина, Киев ја поврати иницијативата со испраќање војници во западниот руски регион Курск на 6 август, тврдејќи дека украинската армија зазела десетици населени места.
Епицентарот на конфликтот, сепак, пишува Франс прес, останува источниот дел на Украина, каде што подобро опремената руска армија продолжува да напредува и во последните денови зазеде неколку градови.
